Wos uns ausmacht, is a Team aus Kreative und Techniker, de oafach sauguat zamorbatn und des sigt ma a an dem wos aussakimmt!
Wei d’Laura vom Kreativn her kimmt und scho lang mulitnationale Produktionsteams oleit, konn sie perfekt vosteh und regln, wos a kreative Produktion ois braucht: Sie hoit ihrane Leid an Buckl frei, so dass de si voi auf an Wahnsinns-Fuim konzentriern kinna, derawei schaut, dass sonst ois gschmeidig laft.
D’Aleksandra war scho imma odo vo Fuim und Animation. Sie hod ogfangt si bei VFX-Firmen um‘s Gschäft zum kümman, oba hod dann scho boid ihra Talent und ihra Leidenschaft fia d‘Produktion gfundn.
Sie find, dass a guade Truppm des wichtigste is, um an guadn Fuim zum mocha. Mit Respekt, Vartraun und Gaudi is oafach ois drin.
Den Sean kennt eigentlich a jeda in da VFX Branche als subba fähign Künstla und Subbaweisa. Noch 25 Joar war’s Zeit fia eam, Animationsfuim fia Kinder zum mocha. Koane Gwar, koa Gwoid, oafach nua scheene Farbn, guade Botschoftn und an Haufn Gaudi!
Bei uns steckta ois wosa konn in Fuim de wos Kinda und a Erwachsene zum Strahln bringan. Und dass da Sean beim Rendan gor so genau hischaut, is unsa Geheimzutat fia subbageniale Buidl.
Da Frank hod a scho 25 Joar in da VFX Industrie und vui große, subba Fuim aufm Buckl. Er hod a guads Aug entwickelt fia scheene Buidl, gschmeidige Tools und Workflows.
Jetzad schauda, dass bei uns kreativ ois glatt laft und a jeda a guade Zeit hod. Er glaubt fest dro, dass a scheena Oabatsblotz zu bessana Kinofuim fiad.
Da Dirk modelliert scho seida gloa is. Seit 20 Joar oabata bei VFX Firmen auf da ganzn Wäid. Glaubts uns oans: Bei SIA wiad koa Pinktal ned modelliert, ohne dass da Dirk draufgschaut hod.
Da Oliver nutzt sei riesige Erfahrung in VFX und Animation, um die Talente von unsam Team und den Look und de Beleichtung vo unsane Produktionen zum fördan. Guade Ergebnisse san eam sauwichtig, genauso wia a Gaudi bei da Arbat. Zudem probierda gern wos neis aus und find, dassma nie auslernt.
Wos da Sascha mocht, is quasi des Kreiz vo unsana Kreativität. Er steht voi af Technologie und wui komplexe Prozesse und Abläufe imma so gschmeidig aufsetzn wias grod geht, damit unsana Künstla megaguad arban und sich voi entfaltn kinnan. Quasi ewig machta scho VFX, Animation und a Schbui, drum konna jeds Problem lösn wenn ned sogor vorherseng und vomeidn. Des is natürlich a subba Sach fia uns.
Da Javier steht af Kunst, Musik und Technologie. Mia ham a riesigs Glick, dass der 3D-Animation und VFX-Simulation studiert hod und koa Rockstar ned worn is. Weila zudem knifflige Aufgabm und Technik mog, isa quasi der kreativste IT-Spezialist, den ma se wünschn konn. Ohne erm dad bei uns gornix laffa.
Da Thorsten leit de Produktionsabteilung bei Studio 100 Media und is do verantwortlich fia de Entwicklung, Finanzierung, Produktion, den wäitweidn Vatrieb und dafir, dassma a moi guade Fuim vo andane eikaffan und weida vakaffan.
Da Martin is da Chef vo Studio 100 Media und damid quasi a vo Studio 100 Fuim und vom Studio Isar Animation. Er is scho voi lang im Mediengschäft untawegs und hod davor subbagschmeidig den wäitweidn Vakauf vo de Studio 100 Inhalte gleitet und do a brutal erfolgreichs Gschäft auf YouTube afbaut.