Du frogst de warum mia a soa gschmeidigs Studio auf d’Haxn gstäit hamß Ja freilich damit mia bei Studio 100 a zu 100% de Herstellung vo ere Fuim steiern kinnan – ogfant bei da Idee bis hi zum Vokaffa. Dazuakean dean mia voi und ganz zu Studio 100 Media. De sitzen a  bei uns mid in da Hüttn.

Mia mechtn a bsonders raffinierte CGI mocha, de wos haargenau zu unsam Publikum bassd, ja genau zu de Gloana und eanane Großn! Alles wos mia woin, is de Gloana locha hean, ear ane Aung funkln seng und zuaschaun, wia sa se gfrein iba de Gschichtn, de mia vozain.

Brutal stoiz samma af unsa wäidweid bekannts Team vo CGI Künstla und Subbaweisa, de wo unsane legendär liabn Charaktere und Wäitn a Lem eihauchan.

Oba mia macha ned nua de Fuim vo da Studio 100 Gruppm. Mia bietn a o, dass mia fia andane, de des brauchan, modln, textschan, schaidn, laitn, FXn, compositn und rendan und mia woin a no weida woxn. Aiso riarts eich ruhig, wennts ihr do wos davo brauchads.

Studio 100, do wo mia dazughean, gibt brutal Gas: 7 Parks, saubane Liveshows, Studios in Belgien, Frankreich, Australien und de USA. Studio 100 Media votreibt unsana Fuim und Fernsehserien und kimmert se ums Lizenzgschäft und Merchandising.